Rúmliggjandi rúmlaus kona!
Ég er rúmliggjandi.
Eldsnemma í morgun hringdi maður og sagðist vera að koma að sækja dýnurnar í rúminu til uppherðingar hjá RB rúm.
Rúmið mitt er nú dýnulaust og ég flutt í stofuna með sængina mína.´
Ég er því sófaliggjandi.
Það er ekki hollt að vera svona rúm/sófa liggjandi.
Ég er dottin í botnlausar sjálfsbetrunar mannskilnings pælingar.
Og ekki læt ég sjálfa mig duga heldur tek vinina fyrir í röðum.
Hringi svo og upplýsi þá um allskyns sjálfsbetrunar, björgunarstarfsemi sem er algjörlega lífsnauðynlegt að byrja á ekki síðar en strax.
Hef komist að einni niðurstöðu.
Karldurgurinn minn er besti durgur í heimi og ég gæti ekki hugsað mér að treysta annarri manneskju jafn djúpt og mikið fyrir sjálfri mér og honum.
Ég fæ tár og þarf að draga andann djúpt þegar ég hugsa um hversu mögnuð manneskja hann er.
Takk.
4 ummæli:
Æjjjjjjji krúttið mitt... Það er líka eins gott að standa sig þegar manni er treyst fyrir svona dýrmætum pakka eins og þú ert. Ég geri (oftast) mitt besta... Svo flýgur hver fugl sem hann er fjaðraður.
Hmmmmmm ... ekki hef ég nú fengið neina hringingu, er kannski bara svona gasalega óforbetranleg!
knús og kremj í sófaleggið,
Ya mon!
(búin að skipta um nafn sko, vinn núna bara eins og venjulegt fólk og er því engin prentsmiðja ... og tek mér því algengasta frasa Jamaica-búa sem nafn, enda ætla ég að heimsækja það ágæta fólk sem allra fyrst aftur).
Ég fékk sko upphringingu og mér tjáð að ég væri biluð (ekki biluð as in ,,biluð"), heldur ekki alveg ónýt, bara biluð og þyrfti að fara á verkstæði. Úfffff ég er svoooo sammála! Þarf að komast í smurningu, láta skipta um headpakkningu og svo er ég náttúrulega við ákveðnar aðstæður gjörsamlega bremsulaus!
Strípó
Áður en kemur að því að pjakkast enn og aftur í kunníngjum þá tek ég fram að ég er búinn að býtta um símanúmer. Nýja númerið er 862-1840.
Skrifa ummæli